ഇങ്ങനെയും ചിലത്

സൈബർ ലോകത്തന്തിയുറങ്ങും 

രാവുകളിലെന്നോ ഒരിക്കൽ 

എൻറെ ചാറ്റ് ബോക്സിൽ-

പൊന്തി വന്നോരപരിചിതൻ 

വഴി തെറ്റി വന്നതോ, 

മറ്റാരും ഇല്ലാത്ത കൊണ്ടോ , 

അറിയില്ല -

പിന്നിടതൊരു ശീലമായി. 

മുഖം പോലുമില്ലാതൊരാൾക്ക് മുന്നിൽ 

ഹൃദയം തുറന്നു ഞാൻ. 

ദിനരാത്രങ്ങൾ കഴിഞ്ഞെന്നോ 

ഒരിക്കലവന്റെ ചാറ്റ് ബോക്സിലെ 

പച്ച വെളിച്ചം നിലച്ചു. 

അല്പയുസ്സായ മനുഷ്യരുണ്ട്‌ ഭൂവിൽ 

ഇതു പോലെ ചില സൗഹൃദങ്ങളും